ხაჯიმბა განცხადებაში წერს, რომ ჩამოგდებულ რუსეთის სამხედრო თვითმფრინავთან დაკავშირებით ინციდენტს სოხუმი აფასებს, როგორც საერთაშორისო ტერორიზმთან ბრძოლაში რუსეთის ძალისხმევისთვის ზიანის მიყენებას, რასაც აფხაზეთი “მკაცრად გმობს”.
“ვიმედოვნებთ, რომ საერთაშირისო საზოგადოება საკადრის შეფასებას მისცემს ამ მიუღებელ ქმედებებს, რამდენადაც ეს შეესაბამება თანამშრომლობის ინტერესებს ტერორიზმთან ბრძოლაში, რომლის მსხვერპლიც სხვადასხვა სახელმწიფოს ათასობით მოქალაქე გახდა”,- წერია განცხადებაში.
24 ნოემბერს რუსული თვითმფრინავი Су-24 სირიაში ჩამოაგდეს. რუსეთის პრეზიდენტმა, ვლადიმერ პუტინმა განაცხადა, რომ ის თურქულმა თვითმფრინავმა F-16-მა ჩამოაგდო თურქეთის საზღვრიდან ოთხ კილომეტრში. თურქეთის ცნობით, თურქეთის სამხედრო ძალებმა სირიის საზღვართან ამოუცნობი სამხედრო თვითმფრინავს ცეცხლი მას შემდეგ გაუხსნეს, რაც მან თურქეთის საჰაერო სივრცე დაარღვია და მოწოდების მიუხედავად არ დატოვა საზღვარი. რუსეთის თავდაცვის უწყება აცხადებს, რომ Су-24-ს თურქეთის საჰაერო სივრცე არ დაურღვევია.
 |
|
||