ნეტგაზეთი | ნახევარ მილიონზე მეტი თანხის მითვისების ბრალდებით კომპანიის დამფუძნებელი დააკავეს ნახევარ მილიონზე მეტი თანხის მითვისების ბრალდებით კომპანიის დამფუძნებელი დააკავეს – Netgazeti
RU | GE  

ნახევარ მილიონზე მეტი თანხის მითვისების ბრალდებით კომპანიის დამფუძნებელი დააკავეს

საქართველოს ფინანსთა სამინისტროს საგამოძიებო სამსახურმა, სამსახურებრივი მდგომარეობის გამოყენებით სახელმწიფოს კუთვნილი დიდი ოდენობით თანხის მითვისების ბრალდებით, შპს „ხიდის“ დამფუძნებელი, თეიმურაზ წ. დააკავა.

გამოძიების ცნობით, აღნიშნულმა კომპანიამ სახელმწიფო შესყიდვის საფუძველზე ქალაქ ფოთის მუნიციპალიტეტთან გააფორმა ხელშეკრულება, რომლის მიხედვით, შპს „ხიდს“ უნდა მოეხდინა ქალაქში ცენტრალური საფეხბურთო სტადიონის რეაბილიტაცია და მისი ევროსტანდარტების დონეზე მოწყობა.

 

“ხელშეკრულებით გათვალისწინებული პირობების მიუხედავად, კონტრაქტორმა კომპანიამ არ შეასრულა დაკისრებული მოვალეობა და მისმა დამფუძნებელმა თეიმურაზ წივწივაძემ მიითვისა სახელმწიფო ბიუჯეტის კუთვნილი ნახევარ მილიონზე მეტი თანხა”, – აცხადებენ საგამოძიებო სამსახურში. 

 

საქმეზე გრძელდება გამოძიება საქართველოს სსკ-ის 182-ე მუხლის მე-2 და მე-3 ნაწილის ნაწილით, რაც სასჯელის სახით ითვალისწინებს თავისუფლების აღკვეთას 7-დან 11 წლამდე ვადით. 

ფოთის სტადიონი
ფოთის სტადიონი

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი