ბიბისის ინფორმაციით, კატასტროფა ეკვერშაიმში საცდელი რეისის დროს მოხდა, ახალ პარიზი-სტრასბურგის ხაზზე. როგორც ადგილობრივი გამოცემები წერენ, ტექნიკოსები მგზავრებთან ერთად იმყოფებოდნენ მატარებელში.
დაშავებულები საავადმყოფოში ვერტმფრენების საშუალებით წაიყვანეს.
ბიბისი ფრანგულ ახალი ამბების სააგენტო AFP-ზე დაყრდნობით წერს, რომ შემთხვევა “სიჩქარის გადაჭარბებამ” გამოიწვია.
სამაშველო სამსახურები, მათ შორის მყვინთავებიც, ადგილზე არიან მობილიზებულები.
როგორც უცხოური მედია წერს, პარიზი-სტრასბურგის ელმავალი ხაზის გახსნა მომავალ წელს იგეგმება.
