ძაღლის დაჭრის ფაქტი ნეტგაზეთს ვეტერინარმა, არტურ ლაგოვსკიმ დაუდასტურა, რომლის თქმით, ძაღლს ერთი ტყვია ჰქონდა მოხვედრილი:

“ძაღლს სისხლდენა შეჩერებული აქვს და პატრონმა სახლში წაიყვანა, თუმცა მისი მდგომარეობა მძიმეა. ამოღებული ტყვია ნივთმტკიცების სახით გაგზავნილია შინაგან საქმეთა სამინისტროში”, – უთხრა ვეტერინარმა ნეტგაზეთს.

თბილისში, ნუცუბიძის პლატოზე ზურაბ ვაშაკიძის ძაღლის დაჭრის შესახებ ინფორმაცია თავდაპირველად ფეისბუკში გაავრცელა ერთ-ერთმა მომხმარებელმა, რომელმაც დაჭრილი ძაღლის ფოტოებიც გამოაქვეყნა. პოსტის ავტორის განცხადებით, ძაღლი ვაშაკიძის მეზობელმა დაჭრა.

სხვა დეტალები ამ დროისთვის უცნობია.