NDI-ის 2015 წლის 17 ოქტომბერს გამოქვეყნებული საზოგადოებრივი აზრის კვლევის შედეგების თანახმად, რომელიც 2015 წლის აგვისტო-სექტემბრის განწყობებს ასახავს,  მოსახლეობის მხოლოდ 61 % -ისთვისაა მისაღები ევროკავშირში ინტეგრაცია, 21%-ის აზრით მიუღებელია მთავრობის გაცხადებული მიზანი ევროკავშირში გაწევრიანებზე და ამავე დროს ევროკავშირის მომხრეთა 12 % -მა განაცხადა, რომ მხარს ასევე უჭერს ევრაზიის კავშირში გაწევრიანებას.

2014 წლის აპრილში NDI-ის დაკვეთით ჩატარებული კვლევის თანახმად ევროკავშირში ინტეგრაციას მოსახლეობის 77% უჭერდა მხარს.

ევროკავშირის მომხრეთა რიცხვი ბოლო კვლევის შედეგებით ყველაზე დაბალია 2012 წლის თებერვლის შემდეგ.

გამოკითხვა NDI -ის დაკვეთით CRRC -საქართველომ ჩაატარა. კვლევა ჩატარდა 2015 წლის  8 აგვისტოდან – 10 სექტემბრამდე პერიოდში. კვლევის ფარგლებში  საქართველოს მასშტაბით  წარმომადგენობითი შერჩევის საფუძველზე 4,448 პირისპირ ინტერვიუ ჩაატარეს. კვლევის შედეგების  საშუალო ცდომილების ზღვარი არის +/- 3.01%. კვლევა დაფინანსებულია შვედეთის საერთაშორისო განვითარების და თანამშრომლობის სააგენტოს (sida) მიერ.