აშშ-ის პრეზიდენტ ჯო ბაიდენის მრჩეველი ეროვნული უსაფრთხოების საკითხებში ჯეიკ სალივანი ეხმაურება საქართველოში “რუსული კანონის” ორგვლივ განვითარებულ მოვლენებს.
“ჩვენ ღრმად შეშფოთებული ვართ საქართველოში დემოკრატიის უკუსვლის გამო. ქართველი პარლამენტარები კრიტიკული არჩევანის წინაშე დგანან – მხარი დაუჭირონ ქართველი ხალხის ევროატლანტიკურ მისწრაფებებს თუ მიიღონ კრემლის სტილის უცხოელი აგენტების კანონი, რომელიც ეწინააღმდეგება დემოკრატიულ ღირებულებებს”, – წერს სალივანი X-ზე.
მისივე თქმით, “ქართული ოცნების” ბოლოდროინდელი რიტორიკა, შემოთავაზებული საკანონმდებლო ცვლილებები და ქმედებები ეწინააღმდეგება ქართველი ხალხის მისწრაფებებს და მიზნად ისახავს ქართველების იზოლირებას შეერთებული შტატებისგან და ევროპისგან.
“ჩვენ ქართველი ხალხის გვერდით ვდგავართ”, – დასძენს ბაიდენის მრჩეველი.
