ლუქსემბურგის ფეხბურთის ფედერაციის პრეზიდენტი პოლ ფილიპი აპირებდა საჯაროდ, პირდაპირ ეთერში გაეპარსა ულვაში, თუ მისი ქვეყნის ნაკრები ევროპის ჩემპიონატზე მოხვედრას შეძლებდა. ამის შესახებ ნათქვამია ბრიტანული გარდიანის მიერ ლუქსემბურგის ნაკრებზე და საფეხბურთო კულტურაზე მომზადებულ სტატიაში.
ფილიპი, რომელიც ლუქსემბურგის ფეხბურთის ლეგენდად ითვლება, ულვაშებს 40 წელია ატარებს. ფედერაციის პრეზიდენტობამდე 16 წლის განმავლობაში იყო ლუქსემბურგის ნაკრების მწვრთნელი. ფეხბურთელობისას კი ბელგიის ჩემპიონატში გამოდიოდა.
ლუქსემბურგის ნაკრებს ევროპის ჩემპიონატზე არასდროს უთამაშია და საქართველოსთან პლეიოფის ნახევარფინალში მარცხის გამო ვერც 2024 წლის ევროზე მიიღებს მონაწილეობას.
ფილიპი საქართველოსა და ლუქსემბურგის მატჩს, რომელშიც მასპინძლებმა 2-0 გაიმარჯვეს, თბილისში დაესწრო.
პოლ ფილიპი (მარჯვნივ) სალომე ზურაბიშვილთან ერთად ესწრება საქართველო – ლუქსემბურგის მატჩს
