2023 წელს საქართველოს მოქალაქეებმა ევროკავშირში (+ნორვეგია და შვეიცარია) თავშესაფრის მოთხოვნით 25 209 განაცხადი შეიტანეს, რაც 12%-ით ნაკლებია 2022 წლის რეკორდულ მაჩვენებელთან (28 803) შედარებით.

თავშესაფრის განაცხადები 2015-2023 წლებში. წყარო: EUAA

ევროკავშირის თავშესაფრის სააგენტოს (EUAA) უახლესი ანგარიშის თანახმად, განხილული განაცხადებიდან 96% არ დაკმაყოფილდა, ლტოლვილის სტატუსი მხოლოდ 2%-მა მიიღო და დამატებითი დაცვა — 2%-მა.

2023 წელს EU+-მა მიიღო 1.1 მილიონი თავშესაფრის განაცხადი, რაც 2022 წელთან შედარებით 18%-ით მეტია და 2015-16 წლების საემიგრაციო კრიზისის ჰგავს. თავშესაფარს ყველაზე ხშირად სირიელები ითხოვენ — 2023 წელს მათ შეიტანეს 38%-ით მეტი განაცხადი (181 000) წინა წელთან შედარებით. მეორე ადგილზე კვლავ ავღანელები არიან, თუმცა კლების ტენდენცია სახეზეა და 2023 წელს მათ 11%-ით ნაკლები ნაკლები განაცხადი შეიტანეს, ვიდრე ვიდრე 2022 წელს.

ევროკავშირის ქვეყნებს შორის თავშესაფრისთვის ყველაზე ხშირად გერმანიას მიმართავენ.

2023 წლის ბოლოს, ევროკავშირში+ დროებითი დაცვის დაახლოებით 4,4 მილიონი ბენეფიციარი იყო, რომლებმაც დატოვეს უკრაინა რუსეთის სრულმასშტაბიანი შეჭრის შემდეგ. ერთ სულ მოსახლეზე ყველაზე მეტ უკრაინელ ბენეფიციარს ჩეხეთმა უმასპინძლა, შემდეგ მოდის ბულგარეთი, ესტონეთი, ლიეტუვა და პოლონეთი.