“თავდაცვაზე და უსაფრთხოების სისტემებზე ფესვგადგმულმა წარმოდგენებმა ტრაგიკულ შედეგებამდე მიგვიყვანა. სომხეთს არ აქვს სხვა არჩევანი თავდაცვის სფეროს დივერსიფიცირების გარდა და ამიტომ ამ მიმართულებით მივდივართ, თანამედროვე შეიარაღების შესყიდვის მიმართულებით. ჩვენ უკვე გავაფორმეთ მრავალმილიარდიანი ხელშეკრულებები შეიარაღების შესყიდვაზე”, – განაცხადა სომხეთის პრემიერმა.
თავდაცვის სფეროს დივერსიფიცირებაზე განცხადება გააკეთა, ასევე, სომხეთის თავდაცვის მინისტრმა სურენ პაპიკიანმა.
“გამოცდილებამ აჩვენა, რომ როგორი მაღალი სულისკვეთებაც არ უნდა ჰქონდეთ ჯარისკაცებს – უპირობოდ ემსახურონ სამშობლოს, თანამედროვე იარაღის გარეშე შეუძლებელია ძლიერი და ბრძოლისუნარიანი არმიის ყოლა. ჩვენ შევძელით სამხედრო-ტექნიკური თანამშრომლობის გაფართოება, ახალი პარტნიორების მოძებნა და ხელშესახები ნაბიჯების გადადგმა შეიარაღების დივერსიფიციების მიმართულებით, რაც დაგვეხმარება ჩამოვაყალიბოთ უფრო მდგრადი და საიმედო უსაფრთხოების სივრცე სომხეთის გარშემო”, – ამბობს სურენ პაპიკიანი.
ფაშინიანის თქმივე, ამავე მიზეზით ამჟამად აღარ ხედავს რაიმე სარგებელს იმაში, რომ სომხეთში რუსული სამხედრო ბაზა არსებობდეს.
2023 წლის 19-20 სექტემბერს მთიან ყარაბაღში აზერბაიჯანის მიერ ჩატარებული “ანტიტერორისტული ოპერაციასა” და მის შემდეგ განვითარებულ მოვლენებში სომხეთმა, კონკრეტულად კი ნიკოლ ფაშინიანმა, რუსეთი და რუსი სამშვიდოებოები დაადანაშაულა.