ხვიჩა კვარაცხელიას „ნაპოლი“ ჩემპიონთა ლიგის მერვედფინალში კატალონიურ „ბარსელონას“ შეხვდება. მერვედფინალების წილისყრა დღეს, 18 დეკემბერს ჩატარდა.
გუნდები ორ შეხვედრას გამართავენ, შინ და სტუმრად.
„ნაპოლიმ“ ჯგუფურ ეტაპზე მეორე ადგილი დაიკავა და პირველობა აგრეთვე ესპანურ გრანდს, მადრიდის „რეალს“ დაუთმო. ბარსელონამ კი თავის ჯგუფში პირველი ადგილი დაიკავა.
წინა სეზონის ჩემპიონთა ლიგაზე „ნაპოლი“ მეოთხედფინალში გავიდა, იტალიის ჩემპიონატში კი პირველი ადგილი დაიკავა. ამჟამად გუნდი იტალიის ჩემპიონატში მეხუთე ადგილს იკავებს, „ბარსელონა“ კი ესპანეთის ჩემპიონატში მესამე ადგილზეა.
რაც შეეხება სხვა წყვილებს:
- პორტო – არსენალი;
- პსჟ – რეალ სოსიედადი;
- პსვ – დორტმუნდი;
- კოპენჰაგენი – მანჩესტერ სიტი;
- ინტერი – ატლეტიკო;
- ლაციო – ბაიერნი;
- ლაიფციგი – მადრიდის რეალი.
