ნეტგაზეთი | მართლმადიდებელი მრევლის აქცია ბათუმში მართლმადიდებელი მრევლის აქცია ბათუმში – Netgazeti
RU | GE  

მართლმადიდებელი მრევლის აქცია ბათუმში

ბათუმში მართლმადიდებლური ეკლესიის მრევლი გეი აღლუმის გასაპროტესტებლად დღის 12 საათზე შეიკრიბა და  ქალაქის ქუჩებში მსვლელობა დაიწყო.

ბათუმში მართლმადიდებლური ეკლესიის მრევლი გეი აღლუმის გასაპროტესტებლად დღის 12 საათზე შეიკრიბა და  ქალაქის ქუჩებში მსვლელობა დაიწყო.

”ჩვენ გულხელდაკრეფილები არა ვართ. საპატრიარქოში ამაზე ბევრს ვფიქრობთ, როგორ შეიძლება ამ ადამიანების განეიტრალება და საპატრიარქომ, კერძოდ, მისმა უწმინდესობამ, გააკეთა განცხადება ბოლო ფაქტებთან დაკავშირებით” – ასე მიმართა თავდაპირველად შეკრებილ მრევლს მღვდელმა თეიმურაზმა, რის შემდეგაც საპატრიარქოს განცხადება წაიკითხა.

მოგვიანებით კი მან მოქალაქეებს მოუწოდა, რომ დაეწყოთ მსვლელობა  ქალაქში, სადაც  დროდადრო გაჩერდებოდნენ და ნაკურთხ წყალს მოაპკურებდნენ.

მან ასევე განაცხადა, რომ ”ჩვენგან (მართლმადიდებლებისგან) ძალადობა არ უნდა შეიმჩნეოდეს”.

ნეტგაზეთს  შესაძლებლობა არ მიეცა,  დამატებით კითხვებზე პასუხი მღვდელ თეიმურაზისგან მიეღო, რომელმაც გადაღება აგვიკრძალა.

მსვლელეობის დაწყების შემდეგ ნეტგაზეთმა ინტერვიუ ჩაწერა დეკანოზ ბასილ ბერიძესთან, რომელიც ბათუმის ღვთისმშობლის სახელობის საკათედრო ტაძრის წინამძღოლი გახლავთ. მანაც განაცხადა, რომ ისინი  მხარს არ უჭერენ ძალადობას და რომ დღევანდელი აქცია ქადაგებაა, რისი უფლებაც აქვთ. ინტერვიუს ჩაწერის დროს ნეტგაზეთს უცნობმა პირმა კიდევ ერთხელ ”შეახსენა”, რომ გადაღების უფლება არ ჰქონდა.

 

აქცია ქალაქის ქუჩებში მსვლელობით გაგრძელდა.

ნეტგაზეთის მასალების სხვა გამოცემებში გადაბეჭდვის წესი
ნესტან ცეცხლაძე