ერგნეთში, სადაც ქართულ-ოსური მხარეები, ევროკავშირისა და ეუთოს წარმომადგენლების ფასილიტაციით ხვდებიან, ინციდენტების პრევენციისა და მათზე რეაგირების მექანიზმის [IPRM] რიგით 115-ე შეხვედრა დაიწყო.
როგორც ოსური მხარე იუწყება, შეხვედრაზე დაგეგმილია უსაფრთხოების, ასევე წინა შეხვედრის შემდეგ საზღვრის დარღვევის სტატისტიკის განხილვა.
გარდა ამისა, ცხინვალი აცხადებს, რომ ერგნეთში კვლავ დააყენებს საკითხს” სოფელ უისტაში [წნელისი] , რესპუბლიკის ტერიტორიიდან უკანონო ქართული პოლიციის პოსტის” აღებაზე.
ასევე, როგორც ოსური მხარე ამბობს, იგეგმება ჰუმანიტარული საკითხების განხილვაც.
ქართული მხარის ცნობით, შეხვედრაზე საქართველოს მოქალაქეების უკანონო დაკავებასა და უკანონო ბორდერიზაციის პროცესს გააპროტესტებს.