ქართველი მსახიობი გოგი ხარაბაძე 81 წლის ასაკში გარდაიცვალა. ინფორმაციას კულტურის სამინისტრო ადასტურებს.

მსახიობმა განათლება საქართველოს შოთა რუსთაველის სახელობის თეატრალურ ინსტიტუტში მიიღო, შემდეგ კი თბილისის შოთა რუსთაველის სახელობის დრამატულ თეატრში დაიწყო მუშაობა. გოგი ხარაბაძემ ითამაშა მრავალ სპექტაკლში, მათ შორის, “მზიანი ღამე”, “სანამ ურემი გადაბრუნდება” და “მოულოდნელი სტუმარი”.

მსახიობი ქართულ კინოში 1966 წელს გამოჩნდა და მონაწილეობა მიიღო ფილმებში, როგორებიცაა “გიორგობისთვე”, “ჩემი მეგობარი ნოდარი” და “დათა თუთაშხია”.

გოგი ხარაბაძეს 1976 წელს მიენიჭა შოთა რუსთაველის სახელობის სახელმწიფო პრემია, 1976 წელს — დამსახურებული არტისტის წოდება, 1986 წელს კი — სახალხო არტისტის წოდება .

2017 წელს საქართველოს კულტურის სამინისტრომ “ხელოვნების ქურუმის” წოდებით დააჯილდოვა ხელოვნებაში შეტანილი განსაკუთრებული წვლილისთვის.