“თეგეტა ჰოლდინგი ხელისუფლებას შოვის სტიქიის სალიკვიდაციო საგანგებო შტაბს სპეციალური დანიშნულების ტექნიკით დახმარებას სთავაზობს. შესაბამისი განცხადება კომპანიამ დღეს გაავრცელა.
“მწუხარებას გამოვთქვამთ რაჭაში, შოვში მომხდარი სტიქიური უბედურების შედეგად დაღუპულთა გამო და სამძიმარს ვუცხადებთ მათ ოჯახებს.
იმედს ვიტოვებთ, რომ ამ კატასტროფის დროს დაკარგულები უვნებლად დაბრუნდებიან სახლებში.
გვინდა გამოვხატოთ ჩვენი პატივისცემა სამაშველო სამუშაოებში ჩართული მაშველებისა და მოხალისეების მიმართ და მზადყოფნას გამოვთქვამთ, საჭიროების შემთხვევაში, „თეგეტა ჰოლდინგის“ მფლობელობაში არსებული სპეციალური დანიშნულების ტექნიკა გადავცეთ შოვის სტიქიის სალიკვიდაციო საგანგებო შტაბს ძებნა-შველის სამუშაოებისათვის,” – აღნიშნულია თეგეტა ჰოლდინგის განცხადებაში.
