კავკასიის მოლაპარაკებების საკითხებში აშშ-ის მთავარი მრჩეველი ლუის ბონო აზერბაიჯანსა და სომხეთს ესტუმრება და ქვეყნებს შორის მშვიდობის მიღწევის გზებზე შეხვედრებს გამართავს. ამის შესახებ ინფორმაციას აზერბაიჯანული სახელმწიფო საინფორმაციო სააგენტოები წერენ, ბაქოში აშშ-ის საელჩოზე დაყრდნობით.
“ბონო გეგმავს შეხვედრებს ყველა მნიშვნელოვან მხარესთან სომხეთ-აზერბაიჯანის სამშვიდობო პროცესის მხარდასაჭერად. ის ესტუმრება აზერბაიჯანს და სომხეთს”.
ოფიციალური ცნობითვე, ასევე, აშშ-ის წარმომადგენელი მხარეებთან განიხილავს ყარაბაღის სომეხი მოსახლეობის ჰუმანიტარულ, უფლებრივ და უსაფრთხოების საკითხებს.
უკანასკნელად ლუის ბონო ოფიციალური ვიზიტით რეგიონს 2023 წლის 23-25 მაისს ეწვია.