ნატოს წევრებმა მიაღწიეს კონსენსუსს და ალიანსში უკრაინის გაწევრიანებისთვის მაპ-ის [გაწევრიანების სამოქმედო გეგმა] ეტაპის გავლას არ მოითხოვენ. ამის შესახებ განაცხადა უკრაინის საგარეო საქმეთა მინისტრმა დმიტრო კულებამ.
„ინტენსიური მოლაპარაკების შემდეგ ნატოს მოკავშირეებმა მიაღწიეს კონსენსუსს და ალიანსის წევრობისკენ უკრაინის გზიდან მაპ-ს ამოიღებენ. მივესალმები ამ გადაწყვეტილებას, რომელიც ამოკლებს ჩვენს გზას ნატომდე. ეს აგრეთვე არის საუკეთესო მომენტი, უკრაინისთვის მკაფიო გახდეს წევრობის მოწვევის საკითხი“, – წერს იგი.
ნატოს სამიტი ვილნიუსში 11-12 ივლისს ჩატარდება. მას უკრაინის პრეზიდენტი ვოლოდიმირ ზელენსკიც დაესწრება.
