ახალი ამბები

ევროპარლამენტარებმა მხარი დაუჭირეს უკრაინისთვის საბრძოლო მასალის წარმოების გაზრდას

1 ივნისი, 2023 • 732
ევროპარლამენტარებმა მხარი დაუჭირეს უკრაინისთვის საბრძოლო მასალის წარმოების გაზრდას

დღეს, 1 ივნისს, ევროპარლამენტარებმა  დაჩქარებული წესით მხარი დაუჭირეს უკრაინისთვის გადასაცემად საბრძოლო მასალების, რაკეტებისა და მისი კომპონენტების წარმოების გაზრდას.

კანონპროექტი, რომელსაც „საბრძოლო მასალების წარმოების მხარდამჭერი აქტი“ (ASAP) უწოდეს, ევროპარლამენტში მაისის დასაწყისში წარადგინეს და დაჩქარებული პროცედურებით დაიწყეს განხილვა.

დოკუმენტის მიხედვით, საბრძოლო მასალების წარმოებას დამატებით 500 მილიონი ევროთი დააფინანსებენ. კანონპროექტის მიზანია, წარმოება იმ დონემდე გაიზარდოს, რომ მან შეავსოს უკრაინაში მიმდინარე ომის გამო შექმნილი დეფიციტი, მათ შორის იმ ქვეყნებში, რომლებიც უკრაინას საბრძოლო მასალებითა და რაკეტებით ამარაგებენ.

კანონპროექტს მხარი 446-მა დეპუტატმა დაუჭირა, 67 წინააღმდეგი იყო, 112-მა კი თავი შეიკავა. ამის შემდეგ ევროპარლამენტარები პოლიტიკურ შეთანხმებას ევროკავშირის საბჭოსთან მოახდენენ. შემდეგ კი საკითხს კენჭს ივლისში პლენარულ სხდომაზე უყრიან.

მასალების გადაბეჭდვის წესი