აზერბაიჯანელმა მესაზღვრეებმა დააკავეს 10 პირი, რომლებიზ აზერბაიჯანიდან საქართველოს საზღვრის გადმოკვეთას უკანონოდ ცდილობდნენ. შემთხვევა 6 მაისს, საღამოს საათებში მოხდა.
აზერბაიჯანის სახელმწიფო სასაზღვრო სააგენტოს განცხადებით, დაკავებულებს შორის არიან ნეპალის რვა და ინდოეთის ორი მოაქალაქე. საზღვარზე უცხო ქვეყნის მოქალაქეების არალეგალურად გადაყვანის საქმეზე დაკავებულია აზერბაიჯანის ორი მოქალაქეც. უწყების ცნობით, ოპერატიულ-საგამოძიებო მოქმედებები საქმესთან დაკავშირებით გრძელდება.
