საქართველოს საგარეო საქმეთა მინისტრი ოფიციალური ვიზიტით უკრაინას ეწვევა, სადაც დაგეგმილია შეხვედრები უკრაინის საგარეო საქმეთა მინისტრთან კონსტანტინე გრიშენკოსთან, ასევე ქვეყნის სხვა უმაღლეს პირებთან – იუწყება საქართველოს საგარეო უწყება.
გრიგოლ ვაშაძის ვიზიტი უკრაინაში 10-11 ივნისსაა დაგეგმილი. შეხვედრაზე, საგარეო საქმეთა სმაინისტროს ცნობით, მხარეები განიხილავენ საქართველო-უკრაინის ორმხრივი ურთიერთობების ფართო სპექტრს და რეგიონალური თანამშრომლობის შემდგომი განვითარების პერსპექტივებს.
ვიზიტის ფარგლებში, საქართველოს მთავრობასა და უკრაინის მინისტრთა კაბინეტს შორის, ხელი მოეწერება შეთანხმებას საჰაერო მიმოსვლის შესახებ.