„ქართული ოცნების“ თავმჯდომარე ირაკლი კობახიძე სოციალურ ქსელ Facebook-ში ეხმაურება უკრაინაში რუსეთის სრულმასშტაბიანი ომის ერთ წლისთავს.
კობახიძე წერს, რომ ზუსტად ერთი წლის წინ უკრაინას უდიდესი ტრაგედია დაატყდა თავს, რასაც უკრაინელი ხალხი არ იმსახურებდა.
„ომის შედეგად დაიღუპა ათი ათასობით უკრაინელი სამხედრო და სამოქალაქო პირი, მათ შორის, რაც განსაკუთრებით მტკივნეულია, 450-ზე მეტი ბავშვი. ლტოლვილად და დევნილად იქცა 16 მილიონი უკრაინელი. ომმა გაანადგურა უკრაინის ეკონომიკა და ინფრასტრუქტურა. ომის დაწყებამდე ვამბობდით, რომ საერთაშორისო თანამეგობრობას ამ ომის არდასაშვებად და უდიდესი ტრაგედიის თავიდან ასაცილებლად ყველაფერი უნდა გაეკეთებინა. თუმცა, სამწუხაროდ, რუსეთის სამხედრო აგრესია მაინც შედგა. უკრაინელი სამხედროები და მოხალისეები გმირულად იბრძვიან საკუთარი ქვეყნის დამოუკიდებლობისა და ტერიტორიული მთლიანობისათვის! ქედს ვიხრი მათი გმირობისა და თავდადების წინაშე! ჩვენ მეგობარ უკრაინელ ხალხს ვუსურვებ დამოუკიდებლობას და ტერიტორიული მთლიანობის აღდგენას! Слава Україні!“, — წერს კობახიძე.
დღეს, 24 თებერვალს, ერთი წელი შესრულდა რუსეთის სრულმასშტაბიანი შეჭრიდან უკრაინაში. უკრაინის პარლამენტმა ომის წლისთავზე, სხვადასხვა ქვეყნის პარლამენტების დელეგაციებთან ერთად, საქართველოდანაც მიიწვია დეპუტატები, თუმცა მმართველმა გუნდმა კიევში ჩასვლაზე უარი განაცხადა.
პარლამენტის დელეგაცია 24 თებერვალს კიევში მიიწვიეს, “ოცნება” უარს ამბობს
