პროფესიული განვითარების საბჭო ექიმთა პროფესიული საქმიანობის საფუძვლიან და დეტალურ შესწავლას უზრუნველყოფს. განიხილავს პაციენტისთვის გაწეული სამედიცინო მომსახურების ხარისხს, სამედიცინო პერსონალის შესაძლო გადაცდომებს, პროფესიულ პასუხისმგებლობებსა და არაკეთილსინდისიერ/არაეთიკურ, პაციენტთან შეუსაბამო მოპყრობის შემთხვევებს“, – ამბობენ სამინისტროში.

მათივე ცნობით,  მოქალაქისთვის გაწეული სამედიცინო დახმარების ხარისხის შესწავლის მიზნით, პროფესიული განვითარების საბჭო კვირაში ერთხელ იკრიბება. 2022 წელს საბჭოს წევრებმა იმსჯელეს 387 ექიმის პროფესიულ პასუხისმგებლობაზე, რაც  266 ექიმს დაეკისრა.

„საბჭოს გადაწყვეტილებით,  70 ექიმს სხვადასხვა ვადით შეუჩერდა საქმიანობის უფლება,  6 მედიკოსს კი სახელმწიფო სერტიფიკატი გაუუქმდა.

პროფესიული განვითარების საბჭო შედგება ჯანდაცვის სამინისტროსა და მისი დაქვემდებარებული უწყებების, პარლამენტის ჯანდაცვის კომიტეტის, სამედიცინო დაწესებულებებისა და დარგობრივი ასოციაციების წარმომადგენლებისგან. საბჭო გადაწყვეტილებას იღებს ხმათა უმრავლესობით“, – ნათქვამია სამინისტროს განცხადებაში.