ახალი ამბები

გამიხარდება, თუ ხაბეიშვილი გაიმარჯვებს, უფრო მეტად გავერთობით – კალაძე

16 ნოემბერი, 2022 • 840
გამიხარდება, თუ ხაბეიშვილი გაიმარჯვებს, უფრო მეტად გავერთობით – კალაძე

თბილისის მერის, კახა კალაძის განცხადებით, „ნაციონალური მოძრაობის“ თავმჯდომარედ ლევან ხაბეიშვილის კანდიდატურას უჭერს მხარს.

დედაქალაქის მერმა მედიის მიერ დასმული კითხვის საპასუხოდ განაცხადა, რომ მიესალმება გადაწყვეტილებას, „ნაციონალური მოძრაობის“ თავმჯდომარე ლევან ხაბეიშვილი გახდეს, რადგან აღნიშნული პარტია სწორედ მსგავს კანდიდატს იმსახურებს.

„მე ლევან ხაბეიშვილის კანდიდატურას ვუჭერ მხარს. „ნაციონალური მოძრაობა“ დღეს იმ მდგომარეობაშია, რომ სწორედ ლევან ხაბეიშვილს იმსახურებს პარტიის თავმჯდომარედ. ჩემი სრული მხარდაჭერა მას. ძალიან გამეხარდება, თუ ლევან ხაბეიშვილი იქნება არჩეული „ნაციონალური მოძრაობის“ თავმჯდომარედ. ცოტა უფრო მეტად გავერთობით“, – წერია თბილისის მერიის მიერ ნეტგაზეთისთვის გაგზავნილ წერილში.

დღეს, 16 ნოემბერს ლევან ხაბეიშვილმა განაცხადა, რომ პარტია „ნაციონალური მოძრაობის“ თავმჯდომარის პოსტისთვის იბრძოლებს.

მასალების გადაბეჭდვის წესი