სახალხო დამცველთან არსებული რელიგიათა საბჭოსა და ეროვნულ უმცირესობათა საბჭოს წევრი ორგანიზაციები განცხადებას ავრცელებენ სახალხო დამცველის არჩევის პროცესთან დაკავშირებით და აღნიშნავენ, რომ სახალხო დამცველს უნდა გამოარჩევდეს ადამიანის უფლებების დაცვის ხანგრძლივი გამოცდილება, რომელიც საჯარო და თვალსაჩინოა.
ხელმომწერი ორგანიზაციები აღნიშნავენ, რომ სახალხო დამცველთან არსებული რელიგიათა საბჭო და ეროვნულ უმცირესობათა საბჭოს წევრი ორგანიზაციები აცნობიერებენ სახალხო დამცველის როლსა და მნიშვნელობას საქართველოში ადამიანის უფლებებისა და ქვეყნის დემოკრატიული კურსით განვითარების კუთხით და გამოხატავენ თავიანთ დამოკიდებულებას კანდიდატების შერჩევის კრიტერიუმებთან დაკავშირებით.
„ამასთანავე, ადამიანის უფლებების სამართლის ცოდნის მხრივ, სახალხო დამცველის კანდიდატს უნდა ჰქონდეს მაღალი კომპეტენცია და ადამიანის უფლებების დაცვის მნიშვნელობისადმი ღრმა რწმენა. სახალხო დამცველი უნდა იყოს თითოეული ადამიანის უფლებათა მტკიცე ქომაგი, მიუხედავად იმისა, რომელ ჯგუფს შეიძლება მიეკუთვნებოდეს იგი – უმრავლესობასა თუ უმცირესობას;
ამდენად, ადამიანის უფლებების დაცვის ასპარეზზე სახალხო დამცველი უნდა ხასიათდებოდეს პრინციპულობითა და შეუვალობით; ის არ უნდა ერიდებოდეს ისეთი გადაწყვეტილებების მიღებას, რომელიც, შესაძლოა, ხელისუფლების, უმრავლესობის ან რომელიმე დაინტერესებული ჯგუფის მიერ არ იქნება მოწონებული და გაზიარებული“ ,- ნათქვამია განცხადებაში.
ორგანიზაციებში მიიჩნევენ, რომ სახალხო დამცველი უნდა ხელმძღვანელობდეს კანონის უზენაესობით, კონსტიტუციისა და ადამიანის უფლებების შესახებ საერთაშორისო ხელშეკრულებებით და სხვა უფლებებთან ერთად, განუხრელად იცავდეს ეთნიკური და რელიგიური უმცირესობების უფლებებს, იბრძოდეს დისკრიმინაციისა და შეუწყნარებლობის წინააღმდეგ.
აქედან გამომდინარე, განცხადების ავტორები მიჩნევენ, რომ აუცილებელია, შერჩეული პიროვნება თავის ქმედებებსა და გადაწყვეტილებებში იყოს დამოუკიდებელი და თავისუფალი პოლიტიკური გავლენისა და მიკერძოებისგან, მისი ამ თანადებობაზე საქმიანობა იყოს რელიგიური თვალსაზრისით ნეიტრალური და ხელს უწყობდეს სამოქალაქო ინტეგრაციის პროცესს:
„ჩვენ ვიმედოვნებთ და მოველით, რომ საქართელოს საკანომდებლო ორგანო, სახალხო დამცველის არჩევის გადაწყვეტილებისას, ხსენებული კრიტერიუმებით იხელმძღვანელებს“, – ნათქვამია განცხადებაში, რომელსაც ხელს აწერენ
- საქართველოს ევანგელურ–ბაპტისტური ეკლესია
- საქართველოს სახარების რწმენის ეკლესია
- საქართველოს ევანგელისტური ეკლესია
- ევანგელური ეკლესია სიცოცხლის სიტყვა
- ხსნის არმია
- დახსნილ ქრისტიანთა საღვთო ეკლესია
- ქართველ მუსლიმთა კავშირი
- სრულიად საქართველოს მუსლიმთა სამმართველო
- სრულიად საქართველოს მუსლიმთა უმაღლესი სასულიერო სამმართველო
- აჰმადია მუსლიმთა გაერთიანება
- საქართველოს ებრაელთა კავშირი
- სომეხთა წმიდა სამოციქულო ეკლესიის ეპარქია საქართველოში
- ლათინ კათოლიკეთა სამოციქულო ადმინისტრაცია
- საქართველოს სომხური კათოლიკური ეკლესია
- საქართველოს ეზიდთა სასულიერო საბჭო
- წმინდა სამების პროტესტანტული ეკლესია
- ევანგელურ-პროტესტანტული ეკლესია
- აღდგენილი სამოციქულო ეკლესია
- მეგობართა საზოგადება – კვაკერები
- საქართელოს მეშვიდე დღის ქრისტიან–ადვენტისტთა ეკლესია
- რიმა გარიბიანი – ღია საზღვრები
- მარი მიქოიანი – ჯენერეიშნ აი
- მარი არაქელოვა – ქართველ სომეხთა კავშირი
- მიხეილ ბორისი – საქართველოს უკრაინელთა ასოციაციაჯეიხუნ ნარზალოვი – წითელი ხიდი
- გიორგი ტუმასიანი – მშვიდობის ფონდი
- ალექსანდრ ბეჟენცევი – საქართველოს საერთაშორისო ახალგაზრდობის ასოციაცია
- ალა ბეჟენცევა – საქართველოს რუს ქალთა ასოციაცია ,, იაროსლავნა ”
- ზაურ ხალილოვი – სამოქალაქო ინტეგრაციის ფონდი
- ევგენია კოტანიდი – საქართველოს ბერძენთა ფედერაცია
- რაშან ზიადალიევი – სამოქალაქო ჩართულობისა და აქტივიზმის ცენტრი
- სამირა ისმაილოვა – სამოქალაქო თანასწორობის პლატფორმა
- ალი ალიევი – ავართა კავშირი ,, ავანი ”
- ნაირა ბეპიევი – კავკასიური მოზაიკა
- სუსანა ხაჩატრიანი – საქართველოს სომეხ ქალთა ასოციაცია ,, შუშანიკი”
