საქართველოს კონტროლირებად ტერიტორიაზე არსებულმა სამხრეთ ოსეთის ადმინისტრაციის ხელმძღვანელმა დიმიტრი სანაკოევმა, რომელიც პოსტს 2006 წლიდან იკავებდა, თანამდებობის დატოვების შესახებ განცხადება 11 ოქტომბერს დაწერა.
როგორც სანაკოევმა ნეტგაზეთთან საუბარში განაცხადა, პოსტის დატოვების გადაწყვეტილება თავად მიიღო.
“უკვე 16 წელია ამ თანამდებობაზე ვარ. ეს საკმარისზე მეტი დროა. ვფიქრობ, სხვა სფეროში გავაგრძელებ საქმიანობას”.
მისივე თქმით, მისთვის უცნობია, ვინ შეცვლის მას სამხრეთ ოსეთის ადმინისტრაციის ხელმძღვანელის პოსტზე.
