ცხინვალი ეხმაურება საქართველოს, თურქეთისა და აზერბაიჯანის სპეციალური ოპერაციების ძალების სამხედრო მოსამსახურეების ერთობლივ სწავლებას „კავკასიის არწივი 2022“, რომელიც საქართველოში იმართება.

“სამხრეთ ოსეთში სერიოზულ შეშფოთებას იწვევს საქართველოს სამხედრო-სამრეწველო პოტენციალის ზრდისა და მოდერნიზაციის განგრძობითი პროცესი. ოფიციალური თბილისის მიერ ძალის გამოუყენებლობის შესახებ შეთანხმებაზე უარი, სამხრეთ ოსეთის საზღვრების სიახლოვეს სამხედრო სწავლებების გამართვა, სამხრეთ კავკასიაში დესტაბილიზაციისა და სამხედრო პოლიტიკური დაძაბულობის გამომწვევი ფაქტორია”, – აცხადებენ ცხინვალში.

უკანასკნელ წლებში ყველა სამხედრო სწავლებას, რომელიც საქართველოს ტერიტორიაზე იმართება, ოფიციალურ განცხადებებში ოსური მხარე მის მიმართ საფრთხეებს უკავშირებს.