მედია სამართლის ექსპერტს, ადვოკატ სანდრო ბარამიძეს გამართლებულად მიაჩნია სამართალდამცავების მხრიდან იმ პირების დაკავება, რომლებმაც გუშინ ტელეკომპანია კავკასიასთან ”დებოში მოაწყვეს”, რადგან ”პირისპირ შეურაცხყოფა, სიძულვილის თესვა და, მით უმეტეს, ფიზიკური ძალის გამოყენება არის აბსოლუტურად დაუშვებელი და მიუღებელი დემოკრატიულ საზოგადოებაში”.
ამავე დროს, ბარამიძისთვის მიუღებელია ”ისეთი ეპატაჟური და სკანდალური წიგნების პოპულარიზაცია, როგორიც არის წიგნი სათაურით ”საიდუმლო სირობა”. მედია სამართლის ექსპერტი თვლის, რომ ეს არის შეურაცხმყოფელი იმ ადამიანების რელიგიური გრძნობებისა, რომლებიც აქტიური მორწმუნენი არიან, ასევე, ასეთი ფაქტები ხელს უწყობს ”ისეთი მარგინალური ჯგუფების გააქტიურებას, როგორიც არის მართლმადიდებელ მშობელთა კავშირი, ან სახალხო მართლმადიდებლური მოძრაობა და მისთანანი”.
”საქართველოში, ასევე, უნდა ჩამოყალიბდეს შემწყნარებლური დამოკიდებულება ნებისმიერი აზრის მქონე ადამიანების მიმართ, მათ შორის, იმ ადამიანების მიმართაც, რომლებიც თვლიან, რომ არიან რელიგიურნი, ეკლესიურნი და ასე შემდეგ“ – ამბობს სანდრო ბარამიძე.
ამავე თემაზე:
