რეალ მადრიდის ყოფილმა მეკარემ, იკერ კასილასმა ტვიტერის ოფიციალური გვერდიდან წაშალა პოსტი, სადაც წერდა, რომ გეია. აღნიშნული პოსტი მან დღეს, 9 ოქტომბერს გამოაქვეყნა:
“იმედია, პატივისცემას გამოიჩენთ: გეი ვარ”, – წერს კასილასი.
Espero que me respeten: soy gay. #felizdomingo
— Iker Casillas (@IkerCasillas) October 9, 2022
41 წლის სპორტსმენის განცხადებას სოციალურ ქსელში გამოეხმაურა საფეხბურთო კლუბ “ბარსელონას” ფეხბურთელი, კარლეს პუიოლიც და დაწერა “დროა ჩვენი ამბავი მოვყვეთ, იკერ”.
იკერ კასილასი 2020 წელს წავიდა სპორტიდან. ის ფეხბურთის ერთ-ერთ ყველაზე წარმატებულ მეკარედაა მიჩნეული. მას 22-წლიანი კარიერის განმავლობაში მოგებული აქვს ერთი მსოფლიო თასი, ევროპის ორი ჩემპიონატი, ხუთი ლა ლიგის ტიტული და სამი ჩემპიონთა ლიგა.
სპორტსმენი ჟურნალისტ სარა კარბონეროზე 5 წლის განმავლობაში იყო დაქორწინებული. ისინი ერთმანეტს 2021 წლის მარტში დაშორდნენ და ორი შვილი ჰყავთ.