თბილისის მერის, კახა კალაძის თქმით, ორშაბათს თბილისის მეტროსა და ავტობუსში მგზავრობის რეკორდული მაჩვენებელი დაფიქსირდა. მისი განცხადებით, 3 ოქტომბერს ორივე ტრანსპორტით გადაადგილდა 1.035 მილიონი მგზავრი.
ამის შესახებ კალაძემ დღეს, 5 ოქტომბერს მუნიციპალური მთავრობის სხდომაზე ისაუბრა.
“ეს ნამდვილად რეკორდული მაჩვენებელია, როგორც მეტროსთვის, ასევე ავტობუსისთვის”, – განაცხადა კალაძემ.
მერის განმარტებით, 3 ოქტომბერს მეტრო 502 508 მგზავრმა, ავტობუსი კი 532 076 მგზავრმა გამოიყენა.
