ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

რუსეთის ფედერაციის საბჭომ დაამტკიცა კანონი, რომლის მიხედვითაც რუსეთის შეიარაღებულ ძალებში გაწევრიანებული უცხო ქვეყნის მოქალაქეები რუსეთის მოქალაქეობას დამატებითი პირობების დაკმაყოფილების გარეშე მიიღებენ. ამის შესახებ ინფორმაციას რუსული სამთავრობო მედია TASS ავრცელებს.

გამოცემის ცნობით, რუსეთის მოქალაქეობას მიიღებენ ის პირები, რომლებიც ერთი წლით ან მეტი დროით გააფორმებენ კონტრაქტს რუსეთის შეარაღებულ ძალებთან. ცვლილებები “რუსეთის ფედერაციის მოქალაქეობის შესახებ” კანონში შევა.

TASS-ის განმარტებით, რუსეთში არსებული კანონმდებლობით, სხვა შემთხვევებში უცხო ქვეყნის მოქალაქე რუსეთის მოქალაქეობას ბინადრობის უფლების მოპოვებიდან 5 წლის თავზე მიიღებს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.