საგანგებო სიტუაციების მართვის სამსახურის განცხადებით, შილდის მიმდებარედ ტყეში გაჩენილი ხანძრის ქრობის ღონისძიებები უწყვეტ რეჟიმში გრძელდება.
კახეთში, შილდის მიმდებარედ ტყეში ხანძარს რამდენიმე დღეა ებრძვიან. მეხანძრე-მაშველების გარდა, პროცესში ჩართულია შინაგან საქმეთა სამინისტროს 3 ვერტმფრენი და რამდენიმე ასეული სამხედრო თავდაცვის ძალებიდან.
არსებული ინფორმაციით, ცეცხლი ტყის ქვედა საფარს უკიდია.
