ახალი ამბები

ჩვენ ვაგრძელებთ მშვიდობისთვის მუშაობას და ვიდგებით საქართველოს გვერდით – აშშ-ს საელჩო

7 აგვისტო, 2022 • 529
ჩვენ ვაგრძელებთ მშვიდობისთვის მუშაობას და ვიდგებით საქართველოს გვერდით – აშშ-ს საელჩო

2008 წლის აგვისტოს ომის 14 წლის თავზე აშშ-ს საელჩო საქართველოში ვიდეო მიმართვას ავრცელებს.

ვიდეოში საელჩოს წარმომადგენლები, მათ შორის, ელჩი კელი დეგნანი აცხადებენ, რომ განაგრძობენ მშვიდობისთვის მუშაობას და იდეგებიან საქართველოს გვერდით.

„გვახსოვს, როგორ დაიწყო ყველაფერი. გვახსოვს დღევანდელი დღე. გვახსოვს რუსული ჯარის საქართველოში შემოჭრა. არ დავივიწყებთ ათობით ათას დევნილს. არ დავივიწყებთ მსხვერპლს. ჩვენ გავაგრძელებთ მშვიდობისთვის მუშაობას. ჩვენ საქართველოს გვერდით ვიდგებით!,“ – აცხადებს საელჩო.


წელს 14 წელიწადი გავიდა 2008 წლის სამხედრო კონფლიქტის დაწყებიდან, რომელიც „აგვისტოს ომის“ სახელით მოიხსენიებენ. ომი 5 დღე გაგრძელდა, რის შემდეგაც საქართველომ დაკარგა კონტროლი კოდორის ხეობასა და ახალგორის რაიონზე.

ოფიციალური ინფორმაციით, 2008 წლის აგვისტოში საქართველოში რუსეთის შეჭრის შედეგად დაღუპულია საქართველოს თავდაცვის სამინისტროს 169 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი.

მასალების გადაბეჭდვის წესი