დონეცკის ოლქში, ბახმუტის რაიონში, ქალაქ ჩასივ იარში ხუთსართულიან სახლზე სარაკეტო თავდასხმის შედეგად დაღუპულთა რიცხვი 31-მდე გაიზარდა. ამის შესახებ ინფორმაციას დონეცკის სამხარეო სამოქალაქო-სამხედრო ადმინისტრაცია ავრცელებს.
ამ დროისთვის უკრაინელმა მაშველებმა ნანგრევებში მოყოლილი 10 ადამიანის გადარჩენა მოახერხეს.
რუსეთის სამხედრო ძალებმა საცხოვრებელ სახლზე იერიში 9 ივლისს მიიტანეს.
ჩასივ იარი დონეცკში მდებარე რამდენიმე ქალაქიდან ერთ-ერთია, სადაც ბოლო დღეებში რუსეთის მხრიდან სარაკეტო თავდასხმების ინტენსივობა გაიზარდა. რუსული ძალები რეგიონში უკრაინული წინააღმდეგობის ჩახშობას ცდილობენ.