საქართველოს შინაგან საქმეთა სამინისტროს განცხადებით, დადგენილია პირი, რომელიც მცხეთაში მდებარე რესტორან „მარანში“ ცეცხლსასროლი იარაღიდან ისროდა.
როგორც „ნეტგაზეთს“ უწყებაში განუცხადეს, მომხდარზე გამოძიება საქართველოს სისხლის სამართლის კოდექსის 236 და 239-ე მუხლებით მიმდინარეობს, რაც ცეცხლსასროლი იარაღის უკანონო შეძენება-შენახვას და ხულიგნობას გულისხმობს.
გუშინ, 9 ივნისს სოციალურ ქსელში გავრცელდა ვიდეო, სადაც ჩანდა, რომ სავარაუდოდ ნასვამ მდგომარეობაში მყოფი პირი მცხეთაში მდებარე რესტორან „მარანში“ ავტომატური ცეცხლსასროლი იარაღიდან ისროდა. უცნობია, როდის არის გადაღებული გავრცელებული ვიდეოჩანაწერი.