საქართველოს პრემიერ-მინისტრი ირაკლი ღარიბაშვილი აცხადებს, რომ დღეს ბრიუსელში მიემგზავრება, სადაც მაღალი დონის შეხვედრებს გამართავს. ღარიბაშვილის თქმით, შეხვედრებზე განიხილავენ საქართველოს მიერ ევროკავშირის წევრობისთვის შევსებულ თვითშეფასების კითხვარს:
„დღეს მივემგზავრები ბრიუსელში, სადაც მექნება მაღალი დონის შეხვედრები. ბუნებრივია, ჩვენ გვექნება განხილვა ჩვენს მიერ უკვე წარდგენილი კითხვარის ირგვლივ, – ამის შესახებ საქართველოს პრემიერ-მინისტრმა ღარიბაშვილმა მთავრობის სხდომაზე განაცხადა.
ირაკლი ღარიბაშვილის განცხადებით, ის ასევე შეხვდება ნატო-ს გენერალურ მდივან იენს სტოლტენბერგს, ევროპული საბჭოს პრეზიდენტ შარლ მიშელს, ევროპარლამენტის პრეზიდენტ რობერტა მეცოლას და სხვა ოფიციალურ პირებს.