საქართველოს საპარლამენტო დელეგაცია, რომელსაც შალვა პაპუაშვილი ხელმძღვანელობს, კიევში ჩავიდა. 16 აპრილს პაპუაშვილმა “ტვიტერზე” დაწერა:
“ჩამოვედი კიევში ქართველ დეპუტატებთან ერთად რათა გადმოგცეთ საქართველოს გზავნილი: ჩვენ ვგრძნობთ თქვენს მწუხარებას, საქართველო მხარს უჭერს უკრაინას, ქართველები უკრაინელების გვერდით დგანან”.
საპარლამენტო დელეგაცია 9 დეპუტატისგან შედგება, მათ შორის არიან:
- პარლამენტის თავმჯდომარე შალვა პაპუაშვილი, ასევე, „ქართული ოცნებიდან“ – დავით სერგეენკო, არჩილ თალაკვაძე და ბექა ოდიშარია,
- „რეფორმების ჯგუფი“ – ხათუნა სამნიძე,
- „ლელოდან“ – ანა ნაცვლიშვილი
- „მოქალაქეები“ – ლევან იოსელიანი,
- „საქართველოსთვის“ – გიორგი ხოჯევანიშვილი,
- „გირჩი“ – ვახტანგ მეგრელიშვილი.
საპარლამენტო დელეგაციაში არ არიან „ნაციონალური მოძრაობის“ ფრაქციისა და „ევროპელი სოციალისტების“ წარმომადგენლები.
1 დღით ადრე, 15 აპრილს, ცნობილი გახდა, რომ უკრაინაში ქართველი მოქმედი და ყოფილი პოლიტიკოსები, მათ შორის, ექსპრეზიდენტი გიორგი მარგველაშვილი და ენმ-ის ლიდერები: ნიკა მელია, ეკა ხერხეულიძე და კობა ნაყოფია ჩავიდნენ. მათთან ერთადაა ეროვნული უშიშროების საბჭოს ყოფილი მდივანი დავით რაქვიაშვილიც.