პრეზიდენტის პრესსპიკერმა მანანა მაჯგალაძემ განაცხადა, რომ კითხვაზე, ავთენტურია თუ არა რუსულ ვებ გვერდზე გამოქვეყნებული სატელეფონო ჩანაწერი ( სავარაუდოდ პრეზიდენტ სააკაშვილსა და კულტურის მინისტრ ნიკა რურუას შორის), პასუხი არა აქვს.
“თუკი გავავრცელებთ ინფორმაციას, ყველასთვის გახდება ცნობილი” – განაცხადა მანჯგალაძემ “ნეტგაზეთთან” საუბარში 16 მარტს.
თუკი პრეზიდენტის სატელეფონო საუბარს უსმენენ, ეს ქვეყნის უსაფრთხოების საკითხია და გამოძიება უნდა დაიწყოს – მიაჩნიათ იურისტებს.
რას წარმოადგენს საიტი, რომელზეც ორი ჩანაწერი გამოქვეყნდა ტელეკომპანია “იმედის” მოდელირებულ “ქრონიკასთან” დაკავშირებით და რამდენად შესაძლებელია, თუკი გამოძიება დაინტერესდა, საიტის მფლობელების დადგენა? “ნეტგაზეთი” “ომედია” სტუდიის ხელმძღვანელს, ნოდარ დავითურს ესაუბრა:
