ახალი ამბები

რუსული ოპოზიციური არხი „დოჟდი“ დროებით წყვეტს მაუწყებლობას

3 მარტი, 2022 • 1734
რუსული ოპოზიციური არხი „დოჟდი“ დროებით წყვეტს მაუწყებლობას

რუსული ოპოზიციური ტელევიზია „დოჟდი“ [ Дождь] აცხადებს, რომ დროებით წყვეტს მაუწყებლობას.

„ჩვენ გვჭირდება ძალების მოკრება, რათა მოვახერხოთ სუნქთვა და ფიქრი, როგორ გავაგრძელოთ მუშაობა. დიდი იმედი გვაქვს, რომ ეთერში დავბრუნდებით და მუშაობას გავაგრძელებთ“, – განაცხადა არხის გენერალურმა დირექტორმა ნატალია სინდეევამ.

ტელეკომპანიის თანამშრომლებმა 3 მარტს გამოსამშვიდობებელი გადაცემა ერთობლივად წაიყვანეს და მაყურებელს დროებით დაემშვიდობნენ.

უკრაინაში რუსეთის შეჭრის შემდეგ „დოჟდი“ რუსეთის „ინფორმაციული ტექნოლოგიებისა და მასობრივი კომუნიკაციების ზედამხედველობის ფედერაციულმა სამსახურმა“, Роскомнадзор-მა დაბლოკა ომის გაშუქების გამო.

ჟურნალისტების ნაწილს უსაფრთხოების რისკების გამო რუსეთის დატოვება მოუწია.

მასალების გადაბეჭდვის წესი