აზერბაიჯანის პრეზიდენტი ილჰამ ალიევი 22 თებერვალს, მოსკოვში პრეზიდენტ ვლადიმერ პუტინთან შეხვედრისას, აზერბაიჯანსა და რუსეთს შორის მოკავშირეობის მემორანდუმის გაფორმებას გეგმავს. ინფორმაციას აზერბაიჯანული მედია კრემლზე დაყრდნობით ავრცელებს.
ორმხრივი მოკავშირეობის მემორანდუმი პოლიტიკურ, სავაჭრო-ეკონომიკურ და ჰუმანიტარულ სფეროებს შეეხება და ოფიციალური ცნობითვე, ორი ქვეყნის ურთიერთობების “ხარისხობრივად ახალ ეტაპზე” გადასვლას მოიაზრებს.
ოფიციალური ინფორმაციითვე, ლიდერებს შორის განხილული იქნება შეხვედრის დროს 2020 წლის 9 ნოემბრის ყარაბაღის ომის დასრულებაზე სამმხრივი [რუსეთი, სომხეთი, აზერბაიჯანი] შეთანხმების რეალიზაცია.
