საქართველოს სტატისტიკის ეროვნული სამსახურის ინფორმაციის თანახმად, 2021 წელს საქართველოში გაცემულია 10 095 ნებართვა, რაც წინა წელთან შედარებით 5.6 პროცენტით მეტია.
ნებართვები, ჯამში, 7 434.5 ათასი კვ.მ ფართობის შენობა-ნაგებობების მშენებლობაზე გაიცა, რაც 42.8 პროცენტით აღემატება წინა წლის ანალოგიურ მონაცემს.
ნებართვების 74.4 პროცენტი მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 48.8 პროცენტი ქ. თბილისზე, 9.2 პროცენტი – მცხეთა-მთიანეთის რეგიონზე, 8.5 პროცენტი – ქვემო ქართლის რეგიონზე და 7.9 პროცენტი – იმერეთის რეგიონზე.