ახალი ამბები

სააკაშვილის მოსანახულებლად ციხეში პატრიარქის მდივანი მივიდა

7 ოქტომბერი, 2021 • 1360
სააკაშვილის მოსანახულებლად ციხეში პატრიარქის მდივანი მივიდა

საქართველოს პატრიარქის მდივანი, დეკანოზი მიქაელ ბოტკოველი პატიმრობაში მყოფ მიხეილ სააკაშვილთან შესახვედრად რუსთავის მე-12 დაწესებულებაში მივიდა.

მას საპატიმროში შესვლამდე განცხადება არ გაუკეთებია.

საქართველოს მართლმადიდებელი ეკლესიის საპატრიარქოში ნეტგაზეთს განუცხადეს, რომ ბოტკოველი რუსთავის საპყრობილეში საპატრიარქოს კურთხევით იმყოფება, ოფიციალურ კომენტარს კი მიხეილ სააკაშვილთან შეხვედრის შემდეგ გააკეთებს.

მიხეილ სააკაშვილის თბილისში დაკავების შესახებ 1 ოქტომბრის საღამოს განაცხადა საქართველოს პრემიერ-მინისტრმა ირაკლი ღარიბაშვილმა. ის უკრაინიდან საქართველოში არალეგალური გზებით შემოვიდა, თუმცა დამატებითი დეტალები უცნობია. მას საქართველოში 2 საქმეზე პატიმრობა აქვს მისჯილი, კიდევ 2 საქმეზე კი გამოძიება მიმდინარეობს.

იხილეთ ნეტგაზეთის მასალა მიხეილ სააკშვილის საქმეების შესახებ:

რა საქმეების გამო ემუქრება პატიმრობა სააკაშვილს – მოკლედ

მასალების გადაბეჭდვის წესი