“სტრატეგია აღმაშენებლის” ლიდერი გიორგი ვაშაძე აცხადებს, რომ იმას, თუ ვინ არის საქართველოში, დრო აჩვენებს. ამის შესახებ მან მიხეილ სააკაშვილის საქართველოში დაბრუნების შესახებ გავრცელებულ ინფორმაციაზე კომენტირებისას განაცხადა.

ვაშაძის თქმით, ამ საკითხზე მარჩიელობა არ შეიძლება და ყველაფერი რამდენიმე საათში გაირკვევა.

“ვინ არის საქართველოში, ვინ არ არის საქართველოში, ვინ როდის ჩამოვა თუ არ ჩამოვა, ამას დრო გვიჩვენებს. ნამდვილად ვფიქრობ, რომ “მესამე ძალას” და “სტრატეგია აღმაშენებელს” აქვს ის რესურსი, რომ შეასრულოს მასტაბილურებლის ფუნქცია ნებისმიერ ვითარებაში[…] ასე… ისე… ეს არასერიოზულია, ხალხო, ასე მსჯელობა. კიდევ ერთხელ ვამბობ, ჩვენ ყველაფერს გავაკეთებთ იმისთვის, რომ მშვიდობიანი ტრანსფორმაცია მოხდეს ხელისუფლების[…] ჩვენ ხომ სერიოზული ხალხი ვართ, არ შეიძლება ვიმარჩიელოთ, ასე იქნება თუ ის იქნება. რამდენიმე საათში, ალბათ, ყველაფერი გაირკვევა”, – განაცხადა გიორგი ვაშაძემ.