ახალი ამბები

Edison Research-ის კვლევა: 2020 წელს “ოცნების” ამომრჩეველთა 12% ამ არჩევნებზე გახარიას პარტიას მისცემდა ხმას

27 სექტემბერი, 2021 | | 434
Edison Research-ის კვლევა: 2020 წელს “ოცნების” ამომრჩეველთა 12% ამ არჩევნებზე გახარიას პარტიას მისცემდა ხმას

Edison Research-ის კვლევის თანახმად, იმ ადამიანების 12%, ვინც ამბობს, რომ 2020 წლის საპარლამენტო არჩევნებში ხმა “ქართულ ოცნებას” მისცა, თვითმმართველობის არჩევნებში ყოფილი პრემიერ-მინისტრის, გიორგი გახარიას პარტიას “საქართველოსთვის” უჭერს მხარს, 4% კი “ერთიან ნაციონალურ მოძრაობას”. ამის შესახებ ინფორმაციას ტელეკომპანია “ფორმულა” ავრცელებს.

ტელეკომპანიის ცნობით, იმ ადამიანების 2%, ვინც ამბობს, რომ 2020 წლის არჩევნებში ხმა “ქართულ ოცნებას” მისცა, ამბობს, რომ თვითმმართველობის არჩევნებზე ხმას “ლეიბორისტულ პარტიას” მისცემდა, ასევე 2% კი “ლელოს”.

კვლევის თანახმად, 74% აცხადებს, რომ არჩევნებზე კვლავ “ქართულ ოცნებას” მისცემდა ხმას.

“ფორმულას” ცნობით, Edison Research-ის კვლევის საველე სამუშაოები 12-დან 25 სექტემბრის პერიოდში ჩატარდა. პირდაპირი ინტერვიუს მეთოდით გამოიკითხა 1 500 ადამიანი, ვინ 18 წელს არის გადაცილებული და ხმის მიცემის უფლება აქვს.

ტელეკომპანიის ინფორმაციით, კვლევის ცდომილების ფარგლები +/-3%-ია 95%-იანი სანდოობის დონისთვის.

მასალების გადაბეჭდვის წესი