ნეტგაზეთი | გერმანიაში სეზონურ სამუშაოზე სულ 208 მოქალაქე დასაქმდა – სააგენტო გერმანიაში სეზონურ სამუშაოზე სულ 208 მოქალაქე დასაქმდა – სააგენტო – Netgazeti
Batumelebi | RU

გერმანიაში სეზონურ სამუშაოზე სულ 208 მოქალაქე დასაქმდა – სააგენტო

საქართველოს დასაქმების ხელშეწყობის სახელმწიფო სააგენტოს ინფორმაციის თანახმად, გერმანიაში სოფლის მეურნეობის სფეროში სეზონურად დასაქმების პროგრამით, საქართველოს 208 მოქალაქემ ისარგებლა.

გერმანიაში სეზონურ სამუშაოზე მუშაობის სურვილი საქართველოს 100 000-მდე მოქალაქემ გამოთქვა.

თავდაპირველად, საქართველოს მოქალაქეთათვის სამუშაო კვოტა 500 დასაქმებულით იყო განსაზღვრული, რომელიც მოგვიანებით 5 000-მდე გაიზარდა.


სეზონური დასაქმების პროგრამა ცირკულარული მიგრაციის სახეა, რა დროსაც ადამიანები, რომლებიც ერთ კონკრეტულ საცხოვრებელ გარემოში, ქალაქში, სოფელში ან ქვეყანაში ცხოვრობენ, სამუშაოდ გადაადგილდებიან სხვა ადგილებისკენ, საიდანაც პერიოდულად საკუთარ სახლებში ბრუნდებიან.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის ოქტომბრიდან. ელ-ფოსტა: zmenaghare@gmail.com