ჯავაში, სამხრეთ ოსეთის დე ფაქტო ხელისუფლების კონტროლირებად ტერიტორიაზე დაკავებული ამერიკის მოქალაქე თავისუფალია და საქართველოს ცენტრალური ხელისუფლების კონტროლირებად ტერიტორიაზე იმყოფება.
ინფორმაციას ამის შესახებ სუს-ის ანალიტიკური დეპარტამენტის უფროსის მოადგილე ირაკლი ანთაძე ავრცელებს. ანთაძის ცნობით, ამერიკის მოქალაქე რუსმა სამხედროებმა უკანონოდ დააკავეს.
როგორც ანთაძე ამბობს, აშშ-ის მოქალაქე საქართველოში ტურისტული მიზნებით არის ჩამოსული. თავად ტურისტის თქმით, სალაშქროდ იყო წასული და ისე გადაკვეთა საოკუპაციო ხაზი, რომ ამის შესახებ ინფორმაცია არ ჰქონდა.