სახელმწიფო უსაფრთხოების სამსახურის ცნობით, კახეთის რეგიონში 5 პირი დააკავეს ტერორისტული ორგანიზაციის წევრობის ბრალდებით. სუსი აცხადებს, რომ ამჟამად მიმდინარეობს საგამოძიებო მოქმედებები და დამატებით ინფორმაციას უწყება მოგვიანებით გაავრცელებს.

გამოძიება სისხლის სამართლის კოდექსის 327-ე მუხლით მიმდინარეობს, რაც გულისხმობს ტერორისტული ორგანიზაციის წევრობას, ტერორისტული ორგანიზაციის საქმიანობაში მონაწილეობას, ტერორისტული ორგანიზაციის შექმნას ან ხელმძღვანელობას.