ნეტგაზეთი | სომხეთი სასაზღვრო ინციდენტში აზერბაიჯანს ადანაშაულებს, ბაქო უარყოფს სომხეთი სასაზღვრო ინციდენტში აზერბაიჯანს ადანაშაულებს, ბაქო უარყოფს – Netgazeti
Batumelebi | RU

სომხეთი სასაზღვრო ინციდენტში აზერბაიჯანს ადანაშაულებს, ბაქო უარყოფს

სომხური მხარის განცხადებით, გეღარქუნიქის რაიონში “აზერბაიჯანული მხარის პროვოკაციით გამოწვეული ორმხრივი ცეცხლის შედეგად დაიჭრა ერთი სომეხი ჯარისკაცი”.

ინფორმაციას სომხური News.am ავრცელებს.

სომხური მხარის ცნობით, აზერბაიჯანულ მხარეს დაიჭრა ორი ჯარისკაცი.

ორმხრივი სროლის შესახებ ინფორმაციას უარყოფს აზერბაიჯანული მხარე.

“სომხური მხარის მიერ სასაზღვრო ინციდენტის შესახებ გავრცელებული ინფორმაციის საპასუხოდ, აზერბაიჯანის თავდაცვის სამინისტრო აცხადებს, რომ აზერბაიჯანულ ძალებს არ გაუხსნია ცეცხლი. სამხედრო პერსონალს შორის არ არიან დაჭრილები.

თუ სომხური შეიარაღებული ძალების რიგებში არიან დაჭრილები ან დაღუპულები, ეს შესაძლოა მომხდარიყო მხოლოდ მათ შორისვე მომხდარი ინციდენტის შედეგად”, – წერია აზერბაიჯანის თავდაცვის სამინისტროს მიერ გავრცელებულ განცხადებაში.

ყარაბაღის მეორე ომის დასრულების შემდეგ მხარეებს შორის პერიოდულად ხდება დაპირისპირება, რაც მესაზღვრეებს შორის ხელჩართულ ჩხუბებსა და ორმხრივ სროლებში გამოიხატება.

მხარეები ვერ თანხმდებიან, თუ კონკრეტულად სად გადის სახელმწიფო საზღვარი.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის ოქტომბრიდან. ელ-ფოსტა: zmenaghare@gmail.com