ნეტგაზეთი | მხატვარი ზურაბ ნიჟარაძე გარდაიცვალა მხატვარი ზურაბ ნიჟარაძე გარდაიცვალა – Netgazeti
RU | GE  

მხატვარი ზურაბ ნიჟარაძე გარდაიცვალა

ქართველი მხატვრი ზურაბ ნიჟარაძე გარდაიცვალა. ამის შესახებ ინფორმაციას კულტურის სამინისტრო ავრცელებს. გავრცელებულ განცხადებაში სამინისტრო წერს, რომ ზურაბ ნიჟარაძე მეოცე საუკუნის 50-იანელ მხატვართა გამორჩეული თაობის წარმომადგენელი იყო, რომლის გამოფენებიც საქართველოს ფარგლებს გარეთაც იმართებოდა.

“სხვადასხვა წლებში მხატვრის პერსონალური გამოფენები ეწყობოდა როგორც საქართველოში, ისე გერმანიის, რუსეთის, საფრანგეთის, საგამოფენო სივრცეებში. ზურაბ ნიჟარაძის ნამუშევრები დაცულია საქართველოს სხვადასხვა მუზეუმში, ასევე ლუდვიგის თანამედროვე ხელოვნების მუზეუმში, რიო-დე-ჟანეიროს ნაციონალურ გალერეაში, აშშ-ის, იტალიის, გერმანიის, საფრანგეთის, შვედეთის, საბერძნეთისა და სხვა ქვეყნების კერძო კოლექციებში,” — აცხადებენ სამინისტროში. ის ასევე იყო რუსთაველის პრემიის ლაურეატი.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი იყო ნეტგაზეთის რეპორტიორი 2017 წლის სექტემბრიდან 2021 წლის ივლისამდე.