ახალი ამბები

I კვარტალში საშუალო ხელფასი 1 256 ლარამდე გაიზარდა – საქსტატი

16 ივნისი, 2021 • 1249
I კვარტალში საშუალო ხელფასი 1 256 ლარამდე გაიზარდა – საქსტატი

საქსტატის ინფორმაციით, პირველ კვარტალში საშუალო თვიური ნომინალური ხელფასი 2020 წლის შესაბამის პერიოდთან შედარებით 4.4%-ით (53.5 ლარით) გაიზარდა და 1 256.2 ლარი შეადგინა.

საქსტატის თანახმად, საქმიანობების მიხედვით შედარებით მაღალი ხელფასი დაფიქსირდა შემდეგ დარგებში:

  • საფინანსო და სადაზღვევო საქმიანობები – 2 448.5 ლარი (წინა წლის შესაბამის პერიოდთან შედარებით შემცირდა 5.7%-ით);
  • ინფორმაცია და კომუნიკაცია – 2 159.8 (გაიზარდა 14.4%-ით);
  •  პროფესიული, სამეცნიერო და ტექნიკური საქმიანობები – 1 798.9 ლარი (გაიზარდა 0.2%-ით);
  • მშენებლობა – 1 664.5 ლარი (შემცირდა 2.3%-ით);

I კვარტალში ქალების საშუალო ხელფასი 1 022.9 ლარი, ხოლო კაცების – 1 473.4 ლარი იყო. ხელფასების წლიურმა ზრდამ ქალებში 62.5 ლარი შეადგინა, ხოლო კაცებში – 49.5 ლარი. საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.

2021 წლის I კვარტალში დაქირავებით დასაქმებულთა საშუალო ხელფასი ბიზნესსექტორში 56.5 ლარით გაიზარდა და 1 283.5 ლარი შეადგინა. საქმიანობის სახეების მიხედვით ყველაზე მაღალი ხელფასი ფიქსირდება ხელოვნების, გართობის და დასვენების საქმიანობებში (2 319.4 ლარი, წინა წლის შესაბამის პერიოდთან შედარებით გაიზარდა 30.5%-ით), ასევე, ინფორმაციის და კომუნიკაციის (2 204.0 ლარი, გაიზარდა 14.7%-ით) დარგებში.

ამავე თემაზე

რატომ არ არის ზუსტი საქსტატის დასახელებული საშუალო ხელფასი

მასალების გადაბეჭდვის წესი