ევროპის ჩემპიოპნატზე გერმანია-საფრანგეთის მატჩის დაწყებამდე რამდნეიმე წუთით ადრე აქტივისტი პარაპლანით საფეხბურთო მოედანზე დაეშვა.  გარემოს დამცველი ორგანიზაციის, Greenpeace-ის აქტივისტი დაშვებისას დაშავდა და მოედნიდან ექიმებმა გაიყვანეს.

როგორც The Guardian წერს, გუნდები უკვე მატჩს იწყებდნენ, რა დროსაც Allianz Arena-ის თავზე პარაპლანი შენიშნეს, რომელმაც გადამღებ სისტემასთან შეჯახების შედეგად კონტროლი დაკარგა და კინაღამ სტადიონზე შეკრებილ მაყურებლებში ჩავარდა.

Can’t believe I just caught this on video. Parachuted into the stadium, got caught in the spider cam and nearly crashed into the crowd. Hope he’s ok! #GERFRA #EURO2020 pic.twitter.com/PJ49WYdFM9

— Max Merrill (@MaxMerrill_) June 15, 2021

საბოლოოდ, პირი, რომლის ვინაობაც ცნობილი არ არის, მოედანზე დაეშვა. სტადიონიდან გაყვანის შემდეგ ის პოლიციამ დააკავა. როგორც Bild წერს, გარდა ევროპის ჩემპიონატის პროტოკოლისა, აღნიშნულმა პირმა დაარღვია შეზღუდვა, რომელიც Allianz Arena-ს თავზე ფრენას კრძალავს.

გამოცემა წერს, რომ პროტესტი ავტომობილების მწარმოებელ კომპანიას, Volkswagen-ს ეხებოდა, რომელიც შეხვედრის ერთ-ერთი სპონსორია.

ინციდენტის მიუხედავად შეხვედრა დაგეგმილ დროს დაიწყო.