ახალი ამბები

პუტინს არ სჭირდება მოლაპარაკებები, ამერიკა საკუთარ თავს აშოშმინებს – ჯიმ რიში ბრიუსელის სამიტზე

15 ივნისი, 2021 • 1067
პუტინს არ სჭირდება მოლაპარაკებები, ამერიკა საკუთარ თავს აშოშმინებს – ჯიმ რიში ბრიუსელის სამიტზე

ამერიკელი სენატორი რესპუბლიკური პარტიიიდან ჯიმ რიში ნატოს ბრიუსელის სამიტთან დაკავშირებით ტვიტერის პოსტს აქვეყნებს, სადაც კრიტიკულად აფასებს მათ შორის იმასაც, რომ საქართველო და უკრაინა სამიტზე მიწვეულები არ ყოფილან.

“უარის თქმა NordStream2-ის პროექტის სანქციებზე, უარი საქართველოსა და უკრაინას, როგორც დამკვირვებლებლებს, სამიტზე, ცალმხრივი დათმობები ევროპაში განთავსებულ ბირთვულ საზღვაო და სახმელეთო რაკეტებთან დაკავშირებით.

პუტინისთვის საჭირო აღარაა მოლაპარაკება. მას შეუძლია დააკვირდეს ამერიკას, თუ როგორ აშოშმინებს საკუთარ თავს”, – წერია სენატორის მიერ გავრცელებულ პოსტში.

ბრიუსელის ნატოს სამიტი 14 ივნისს გაიმართა, სადაც მონაწილეობა ალიანსის წევრმა ქვეყნებმა მიიღეს. სამიტზე დამკვირვებლის სტატუსით არ იყვნენ მიწვეულნი უკრაინა და საქართველო.

სამიტამდე ნატოს გენერალურმა მდივანმა იენს სტოლტენბერგმა განაცხადა, რომ დაგეგმილი სამიტი ხანმოკლე და შემჭიდროებული ფორმატის იყო, რის გამოც მას მხოლოდ წევრი ქვეყნები დაესწრებოდნენ.

მასალების გადაბეჭდვის წესი